دخلت بطة السوبرماركت وسألت البائع: عندكم عنب؟؟ فرد: لا ما عندناش .. فطلعت البطة من المحل
في اليوم الثاني رجعت البطة السوبرماركت مرة ثانية .. وسألت البائع: عندكم عنب؟؟ قال لها: لأ ما عندناش.. فطلعت البطة من المحل
في اليوم اللي بعده .. رجعت البطة للسوبرماركت وسألت البائع: عندكم عنب؟؟؟ فصرخ عليها: لا لا ... انتي جيتي اليومين اللي فاتوا وسألتي اذا عندنا عنب
وقلت لك في كل مرة جيتي فيها ما عندناش.. والله إن جيتي مرة ثانية وسألتي
عن عنب راح اثبت رجلك المسطحة في الارض بمسامير ،، فاهمة!!؟؟
فطلعت البطة
في اليوم الرابع رجعت البطة السوبرماركت .. وسألت البائع: عندك مسامير؟؟ فرد عليها: لأ ما عندناش فقالت البطة: طيب عندكم عنب؟؟
مرة اتنين مساطيل قاعدين في الاستاد واحد بيقول للتانى.. تلف الاستاد دة فى قد اية رد عليه .... في سجارتين
بيقولك ولد صغير كل يوم يعدي على البقال يقوله عندك شيبسي يقوله البقال
ايوه يقوله طيب اديني كيس لايز....اليوم اللي بعده يقوله عندك هوهوز يقوله
ايوا عندي الولد يقوله طيب اديني اتنين توينكيز....و كل يوم بالشكل ده.
البقال اشتكى لأبو الولد الصغير و حكاله فالاب انفعل جدا و قال للبقال: عند
ك عصايه؟ قاله: ايوا الاب قاله : اديله بالألم
مرة
طيارة وقعت فى صحرا كلوا مات معادا 3 واحد منوفى والتانى شرقاوى والثالث
صعيدى وخلاص وقبل ميموا لقوا مصباح سحرى وطلعلهم منه جن قلهم شبيك لبيك
انا ملك اديك ليكوا 3 طلبات كل واحد فيكوا طلب
المنوفى:قلوا انا عايز اروح بلدى فى ثانيه كان اختفى
الشرقاوى:قالوا وانا كمان عايز اروح بلدى فى ثانيه هو كمان اختفى
الصعيدى:اده احنا فينا من الحركات دى انتوا هتسبونى لوحدى ولا ايه رجعهملى تانى
* مرة فار فشار شاف جثة اسد قعد يجر فيها لغاية ما وصلها الغابة المهم
الحيوانات كلها قعدت تهتف وتقول عاش الفار ، راح الفار رفس الاسد برجله وهو
بيقول انا لما اتعصب ما برحمش .
اتنين زهقوا من التأليس عليهم فسافروا الهند.أول مانزلوا من الطائرة لقوا
الهنود بينحنوا عشان يحيوهم فواحد منهم سأل الثاني هما بيحترمونا كدة ليه ؟
قال له أصلهم هنا بيعبدوا البقر.
واد كسلان جدا شغال في ورشة كل اما المعلم يقول له هات مفك ، يقول له كمان
شويه .. بكره .. مش وقته. ، وفى يوم لمبة الورشة اتحرقت ، المعلم قاله ركب
اللمبه قال له دي حاجة سهلة قوي، وشاله المعلم على كتفه واستنى دقيقة
دقيتين ربع ساعه مافيش حاجة ركبت ، قال له المعلم انت مركبتش اللمبه ليه؟
قال له اللمبه قلاووز وانت اللى مبتلفش يا معلم .
مسطول شاور لتاكسى قال له فاضى ؟
قال ايوة
قال له طيب انزل نتكلم شوية
مره واحد صعيدى سافر مصر إتسرقت المحفظه بتاعته بلغ عنها
فقال له الظابط حاضر حجيبهالك من تحت الأرض طلع الصعيدى
بره لقى الناس بتحفر لخط المترو فقال لهم الهمه يارجاله هى
سوده وفيها سوسته
واحد صايع عمل شيخ راح ربى دقنه و رسم على وشه علامه سجود ..المهم راح على
صلاه الجمعه و طلب من الشيخ انه يخطب الجمعه بالناس و هدد الشيخ انو
هايشرحه بالموس لو رفض المهم الامام خاف و خلاه يخطب الجمعه بعد الخطبه سال
الصايع الشيخ ايه رأيك في الخطبه قاله الشيخ وهو خايف تمام بس في كمان غلط
اولا: ملك الحبشه اسمه النجاشي مش النغاشي و هو مش من كفر الشيخ .. ثانيا:
اللي مش بيصلي ربنا بيحاسبه مش انت اللي هاتوريه الويل ، ثالثا: الدخان
حرام حتى و لو كنت سكران و فاقد السيطره على عقلك ، رابعا: ابو جهل ما باعش
بلال لبرشلونه بخمس ملايين ,و بعدين لما تخلص الخطبه بتنزل على السلالم مش
بتتزحلق على الدرابزين
عملوا مسابقة لتعجيز الكمبيوتر كل ما حد يسأله سؤال يجاوب عليه فى اقل من
دقيقة جه واحد بلدياتنا حط ورقة فيها السؤال بتاعه الكمبيوتر اتحرق وطلع
دخان قالوله : سؤالك كان ايه بلدياتنا : جلت له ابو جردان جبل ما يخلف
جردان كان اسمه ايه؟
جماعة بيحششوا ... فجت كبسه... كل واحد اسـتخبه في شوال جه الظابط ضرب
الشوال الاول برجله خرج واحد منهم و اعد يكاكي وعمل نفسه فرخه ضرب التاني
خرج واعد يدن وعمل نفسه ديك ضرب التالت مخرجش ضربه تاني مخرجش ضربه جامد
المره دي خرج وقال له شوال بطاطس بطاااااااطس انت مابتفهمش
نساء العالم اتحدن وقررن أن لا يقومو بأى أعمال في المنزل وبعد أسبوع تجمعوا ليعرفوا النتائج إلاضراب ..
فقالت الزوجة الفرنسية * أنا قلت لجوزى ميشيل أنا مش هعمل حاجة فى
البيت الاسبوع دة كلة وقالت: أول يوم ماشوفتش حاجة تانى يوم ماشوفتش حاجة
تالت يوم بدا يغسل ويمسح" وقالى:انتى بتتعبى اوى ياحبيبتى
وقالت الزوجة الانجليزية* "أنا قلت لجوزى أنا مش هعمل حاجة خالص فى
البيت الاسبوع ده .. أول يوم مشوفتش حاجة تانى يوم بدا يعمل الاكل تالت يوم عشانى وغدانى برة
جت المصرية وقالت "أنا قلت لأبو العيال أنا مش هعمل حاجة فى البيت الأسبوع دة" وقالت "أول يوم ماشوفتش حاجة تانى يوم ماشوفتش حاجة
تالت يوم بدات أشوف شوية بعينى الشمال
واحد ماشي في الشارع قال يا رب امد ايدي في جيبي الاقي عشرة جنيه مد
ايده لقى جيبه مخروم قال يانهار اسود لاتكون وقــــــــــــــعت.
مرة واحد رايح امتحانه مش كتب حاجة في اي ورقة اسئلته كتب صمتي لا يعني
جهلي ولكن ما في خاطري لا يعبر عنها الكلام و في النتيجة كتبوا عشرة من
مائة و كتبوا سقوطك لا يعني فشلك و لكن خفة دم امك هي اللي عملت فيك كدة
مرة واحد ركب تاكسي سأله هوه زمان كان في مكيف؟؟
قاله لا قال طب اطفيه!!. بعد كدة قال هو زمان كان في زمان راديو؟؟ !! قال لا. قال طب اطفية
قاله طب كان في تاكسي؟؟
طب انزل خد جمل يا روح خالتك
واحد
كان بيربى كاتاكيت وكان موديهم المزرع بالعربية وهو ف الطريق قابل لجنة ف
الظابط بيقولو رخصك وايه اللى معاك ف العربية قالو معايا كتاكيت يابيه قالو
وريهمولى فتحلو الراجل العربية وسأله الظابط انت بتأكلهم ايه؟؟؟ قالو
بأكلهم علف يابيه قالو علف بس؟ انت بخيل اوى هديلك مخالفة
واحد عنده برد.. راح للدكتور.. فالدكتور سأله.. انت بتهوى بيتك كويس.. فقاله لا .. فقاله افتح الشبابيك كل يوم قبل ما تنزل وتعالى ليه بعد اسبوع.. بعد اسبوع راح للدكتور فسأله الدكتور.. ها البرد راح فقال له البرد راح والتليفزيون راح والفيدو راح
ما هو التشابه بين الكمبيوتر والحفرة (الكمبيوتر حاسب ألي والحفرة حاسب لتقع)
حمار وحشى وحمار عادى كانو بيتسابقوا اول ما بدء السباق الحمار الوحشى جرى والتانى متحركشى سألوه مجرتش ليه ؟؟؟ قالهم واللهى منا متحرك من مكانى الا لما تجيبولى ترنج زيه؟؟؟
