أهلاً بك ضيف | RSS

قناة القران الكريم قناة السنة النبوية البث المباشر لقناة المجد العامة البث المباشر لقناة الندى الفضائية أون تي في لايف CBC Live CBC+2 Live Al Kahera Wal Nas Live ..Al Kahera Wal Nas 2 Live - القاهرة و الناس بث مباشر البث الحي لقناة روتانا مصرية روتانا سينما بث مباشر Sada El Balad Sada ELbalad live - صدي البلد بث مباشر
الرئيسية » ملفات » المطبخ » عام

ديك رومى محشى بالفرن
2013-07-20, 9:42 PM

اولا

ديك رومى محشى بالفرن
بالصور خطوه خطوه



دلوقتى معاكوا احسن طريقة لعمل الديك الرومى



(ديك رومى محشى بالفرن)




ودة طبعا صورة الديك الرومى


قبل ما يذهب الى رحمة الله





اولا :مقادير الحشوة بتاعة الديك


  • 2كوب ماء او مرقة دجاج (شوربة يعنى)
  • 2كوب ارز
  • نصف كوب زيت (الزيت ممكن يكون عادى او زيت زيتون)
  • بصلتين كبار مفرومين
  • حوالى 5 فصوص ثوم برده مفرومين
  • 1كوب صنوبر محمص
  • 1كوب جبنة رومى مبشورة
  • صفارتين بيض
  • زعتر
  • نصف كيلو سجق متقطع صغير اوى
  • معلقة كبيرة بابريكا(فلفل احمر حلو )
  • نصف كوب مراميه
  • 1كوب شمر طازة مبشور
  • ملح وفلفل طبعا
  • ممكن نزود على ده كله نصف كوب بقدونس مفروم للى عاوز



  • تانى حاجة مقادير الديك نفسه
  • طبعا محدش يقدر ينساه ده البرنس اللى معمولة على شرفه الحفلة دى كلها
  • لما حضراتكوا تروحوا تشتروا الديك
  • تجيبوا ديك رومى جامد كدة وراجل وابن ناس
  • ميقلش وزنه عن 8 كيلو
  • يعنى الوزن من (8-10) كيلو
  • وهنحتاج بعد كده
  • 1ونصف كوب ملح خشن
  • 1 كوب زبدة بلدى سايحة على الاخر
  • نصف كوب عصير ليمون
  • معلقة فلفل اسود صغيرة
  • وبصلاية متقطعة
  • نصف كوب كرفس متقطع
  • نصف كوب جزر متقطع
  • وحوالى 5 فصوص ثوم برده
  • وممكن نحط عليهم معلقتين صغيرين ليمون مبشور
  • ده للناس اللى بتحب الطعم اللاذع يكون كتير


ثالث حاجة بقى مقادير الصلصة اللى هتتقدم مع البرنس ده



4كوب ماء او شوربة زى ما تحبوا


معلقتين كبار اوى زبدة بلدى سايحة اوى


معلقتين كبار دقيق







اولا : طريقة الحشوة



- نغلى الارز ف الماء او الشوربة ونتبله بالملح لمدة ربع ساعة وبعدين نصفيه


- نسخن الزيت كويس ونحط عليه البصل ونقلبه لحد ما لونه يحمر حاجة بسيطة اوى


- نحط عليه الثوم المفروم والسجق المتقطع ونستمر ف التقليب لمدة 5 دقايق

او نهدى النار شوية ونفضل نقلب 10 دقايق وبعدها نحط الصنوبر المحمص


- نحط بعد كده الجبنة المبشورة وصفار البيض والبابريكا والبقدونس

المفروم لو عايزين والمرمية والارز ف طبق كبير ونقلبهم كويس اوى


- نحط على الكلام ده كله على خلطة البصل والسجق ونقلب كويس تانى

ونسيبهم ف التلاجة لحد ما يبردوا




نروح للطريقة اللى هنعمل بيها البرنس ده



- نغسل الديك كويس وندوب الملح فى شوية مية تقضى عشان نغطى بيها الديك

ونسيبه ف الميه اللى بالملح دى ساعة ونص او ساعتين وبعدين نشطف الديك وننشفه كويس


- بعد كده نخلط الزبدة السايحة وعصير الليمون والزعتر والليمون المبشور لو حابين والملح والفلفل كويس


- نفصل جلد الديك عن جسمه وندهن نص كمية الخليط ده ف النص بينهم كويس

بحيث يوصل الخليط لكل جزء فى جسم الديك


- ندهن ربع كمية الخليط ده جوة الديك نفسه يعنى فى التجويف بتاعه


- نحشى الديك بقى بالخلطة اللى عملناها بتاعة الارز الباردة اللى كنا حطيناها ف التلاجة



والحشو ده معلمة مش اى حد يحشى , ركزوا بقى ف طريقة الحشو



اولا تحشى التجويف بتاع الديك ودى طبعا مفيش اسهل من كده . اللى جاى هو اللى صعب


انا قلت من شويه نفصل جلد الديك عن جسمه وندهن خلطة الزبدة بينهم مش كده ... ردوا عليا ... اوك كده


نركز بقى عشان هنملى المكان اللى بين الجلد والجسم بخلطة الارز مع مراعاة ان الجلد يكون مشدود بعد

الحشو مش مترهل وكمان نحط كميه مش كبيرة اوى ولا صغيرة اوى علشان ولا الارز يكون كتير فيتقطع جلد

الديك وهو فى الفرن ويطلع الحشو بره ولا يكون قليل اوى علشان الجلد ميتحرقش منه حاجة , يعنى من

الاخر تكون الكمية متوسطة


_ بعد كل ده ندهن ربع خلطة الزبدة اللى فاضل على الديك من بره ويكون

بطريقة متساوية مش حتة عليها خلطة كتير وحتة لا علشان الطعم يطلع متناسق ومتوزع بالتساوى






بعد كده نربط الديك كويس بخيط دوبارة وخاصة من عند الرجلين علشان يحتفظ بالحشو جواه






_ نحط بقى البصل والكرفس والجزر والثوم المتقطعين فى الصينية من تحت وبعدين نحط عليهم الديك



_ نحط الديك فى الفرن ونظبط الفرن على حرارة مناسبة لمدة ساعة ونص او ساعتين وندهنه من وقت للتانى بالصوص اللى بينزل منه فى الصينية اثناء الشوى


_ وقبل ما يدخل الفرن يكون متغطى بورق المونيوم بس ميكونش ملاصق تماما لجسم الديك ويفضل ف الفرن لحد ما يستوى كويس







أخيرا بقى طريقة الصلصة اللى هتتقدم معاه



_ هنحط الشوربة على خلطة الزبدة والخضار الباقيين من دهن وحشو الديك فى

نفس الصينية ونقلبهم على نار متوسطة لحد ما يغلوا


_ نضرب الخليط ده ف الخلاط وبعدين نصفيه


_ نحمر الدقيق ف الزبدة شويه حوالى 5 دقايق


_ ونحط عليهم الخليط اللى صفيناه ونقلبهم بإستمرار لحد ما القوام بتاع الصلصة يتقل


_ نتبل الخليط ده بالملح والفلفل


_ وتتقدم مع الديك

 




او مشاهده اون لاين من هنا




الفئة: عام | أضاف: bosycat
مشاهده: 1981 | تحميلات: 0 | الترتيب: 0.0/0
مجموع التعليقات: 0
إضافة تعليق يستطيع فقط المستخدمون المسجلون
[ التسجيل | دخول ]
قائمة الموقع

أنضم لأوريفليم 
فى رحلة رائعة نحو النجاح 


فئة القسم
عام [11]
المخبوزات حلويات اشهى الاكلات ولسه
دردشة-مصغرة
200
تصويتنا
اى الاقسام اعجبك اكثر
مجموع الردود: 45
بحث
الاحصائيه
المتواجدون الآن: 1
زوار: 1
مستخدمين: 0



  اهم الموقع



  • أنضم لأوريفليم 



  • .